Bei uns im Revier schaugs heuer awin moger aus, koan Tr. Bock, koan Gams, Kahlwild ? i hon holt no koans gsegn, also geahts Onfong August nach Osttirol.

Hauptgrund, i muß fürn Martin a groassis Murmile suichn. Am Dienstog schaug mo an Teil vom Revier mitn Fernglos o und segn dobei an Jahrling, net guit in Wildbrett, und er hots sehr eilig, rennt umanond und koando woaß worum. Er werds schun wissn! Am Mittwoch start mir, net gor zu fria um holba 7, welln jo net af die Gams,bergwärts. Es isch schun ban auwärts gian worm und es eher beschwerlich. Gegn 9 sein mir gonz obn,mir segn Murmelan und suichn ins a netts Platz um sie zu beobachtn. Hunga stellt sich a in und so werd geneindorscht.

Nochn Essn kimp die erste Müdigkeit und die Ondon legn sich gimiatlich in die Sunne.I schaug no awin in die Runde, mess die Entfernungen zi di voschiedenen Stelln wo die Murmelan sitzn und denk grod, a so a kloans Schlafl schodet net, isch holb 11 und no guita Zeit. Grod in dem Moment steaht übo mir a Jahrling af do Schneide.An leisn Pfiff und die Jogdkollegn sein wiedo volle do. Der Jahrling tut sich unter der Schneid nieder und i sog, des passt mir nocha konn i mi eventuell richtn.230 Meto supo Entfernung! Obo schun steaht er wiedo und hustet daß es ihn foscht doreißt. Also steaht mein Entschluss fest, der keart weg! Der Schuss krocht, der Jahrling zeichnet und flüchtet a poor Meter und tuit sich niedo.Bo? Er hot is Haupt no in der Heach, also net guit okemm. er werd wiedo hoach und i bring an 2. Schuss un.  Es übostelltn und er bleib liegn.Natürlich an Ort und Stelle, hätt er net gikennt awin oa kugln, brauchat man wieniga weit aui gian. Mir pockn insre Hobseligkeitn zom und gian wieder Bergwärts. Ba der Hitz und jetz nochn Essn, wundobor! Beim erlegtn Wild unkemm sieg man schun glei, daß es schlecht im Wildbrett isch, nochher stellt sich aussa, 13 kg. Die Lunge isch teilweise fleischforben,ban an Licht stimmt a öppas net, also a reiner Hegeobschuss, obo sell bestimmen jo net mir, sondern der Hegeringleiter, den mon am nächstn Tog vorgilegt hobm.obo hot gepaßt.

Noch getaner Orbeit setzn mir ins no awin in die Sunne, mochn a poor Bildlan isch jo wundoschian do, ins gegnübo do Gr. Venediger, wo heint ba dem Wetter a Haufe Seilschoftn untowegs sein, grod wie in Bruneck in do Stodtgosse geahts zui.Gegn 1 enschliessn mir decht Tolwärts zi gian. Es isch hoaß, die Füss fongen un zi brenn in die Schuiche, der Jahrling werd trotz dem geringen Gewicht schwar und longsom ziachn a poor Wolkn au. Der Hoamweg isch onstrengenda wie do Aufstieg. Olla 3 sein mir ins einig:ba do Hütte afn Balkon a Schafl kolts Wosso für die Fiaß, a kühles Bier und den Herr gott an giutn Mensch sein lossn! Ba do Hütte werd amol do Jahrling  saubo gimocht, ins Fliegnnetz und in den kühlen Keller kenng. Die Schuicha va die Fiaß, oando geaht ums Bier und i richt mo des kolte Wosso, eine Wohltat. Niemand isch dobei augfoll das es no mehr zuigizogn hot obo do ba do Hütte scheint no die Sunne. In dem Moment folln die erstn Tropfn und a Gewitter isch in Windeeile do. Es blitz und krocht und schüttit wie aus Kübl.10 Minutn späta und mir warn waschlnoss giwordn. Glück muß do Mensch hobm.

In olla a kräftigis Waidmannsheil 

                                                                                                                                            Bericht und Fotos: Annelies Lahner