|
Frech
hot mi a kräftiger Fuchs Rüde im Frühjohr
immer angschaug und isch die längste Zeit
vor mir in der Abensonne gsessn. Jedesmol
hon i ihm versprochn " Wort lei der 1. Juli
werd schun kemm ! " Aber es hot net sein
welln oanmol koa Zeit und oamol koan Lust,
so isch der 6.Juli gwordn, bis i mi endlich
hingsetzt hon af des Füchs zi wortn.
Es werd Nocht
und aussa einer Rehgais tritt nix aus. 2
Toge drau wieder das gleiche Spiel,am
übernächsten Tog genauso. Inzwischn sein von
unseren 5 Enten nur mehr einige Federn übrig
und von die 4 Jungkotzn von Nochbor no eine.
Am nächstn
Abnd vosuich i mein Glück noamol. Immer das
gleiche Bühnenbild, Katzen in allen Forbm
und Schattierungen spatziern über die frisch
gemähte Wiese, ein Bussard verzehrt seine
Beute, a Ringltaube mocht kurz Rast auf eine
nahen Fichte und die Berg - Radler hobm an
dem Montog olle die gleiche Strecke gewählt,
hinter mir afn Woldweg.
Um halb 10
tritt das erschte Reh aus: a junges
Sechserle. So 50 Meter neben mir beobacht i
und natürlich mein Hund mit grösstem
Interesse des Stuck Wild. Ab und zu schau i
mitn Glos auf die Wiese vor mir, aber es
tuit sich nix. Jetz schau i noamol denk i
grod, nocha geah i isch jo schun viertl vor
10. Do a Bewegung,a Fuchs, richt die Büchs
und will ihm ins Glos bring, nix mehr do
ausso daß meina Hände zittern, spinn i des
kenn i normal net und wegn an sellan Füchs
fong i un zu schlottern. I nimm noamol is
Glos und such des Feld o und sich a Stuck
herunte den Fuchs grobm. Inzwischn hot sich
mein " Jogfieber " gelegt, stich in und sich
nur mehr das Mündungsfeuer.Jetz beginnt des
grosse Nochdenkn, weil i mit Fernglos nix
liegn siech. Nachdem i jo ban Londesschiessn
mit der Büchse a so grandios gschossn hon,
daß i an Elefontn gfallt hat: hon i ihn
übohaupt troffn? I geh übers Feld und es
isch schun eha dunkl, die Stelle woas i jo
ungefär, in Hund loss i net va do Leine,
bewaffnet mit ando Taschnlompe suich i den
Fleck o und find schell meine Beute. Es isch
net mein Rüde, dem i des jo vosprochn hon,
sondon a Fähe. Frei mi trotzdem, und woas
daß i weiterhin af den Plotz sitztn muß,
weil is mein Freund von die Frühjohrs -
Ansitze vosprochn hon
Waidmannsheil
Bericht und Fotos:
Lahner
Annelies |
